D00500(Borgonya - Rioilo)

1. Ermenciacum, vila
   1. Ergo omnium sanctae Dei aecclesiae nostrorum quoque fidelium , tam presentium quam & futurorum , noverit industria quod nos , predecessorum regum nostrorum siquidem parentum morem & actus imitantes , qui suos quosque fideles noverant sublimare rebus multimodis & multiplicibus donis , concessimus cuidam fideli nostro nomine Manasae res quasdam in pago Hattuerense , id est villam Ermenciacum quae est sita super fluvium Vincennam , ad comitatum predictum pertinentem , cum aecclesia & omnibus ad se pertinentibus.
   2. Dedimus autem jamdictam villam nominato Manasae , per deprecationem illustris comitis Richardi , videlicet Ermenciacum , cum mancipiis utriusque sexus , silvis , campis , pratis , pascuis , aquis aquarumve decursibus , exitibus & regressibus & cunctis legitimis terminationibus , ut jamdictus Manases prenotatam villam Ermenciacum cum omnibus ad se pertinentibus habeat , teneat atque possideat & sicut res res suae proprietatis posteris quibuscumque voluerit dimittat.

902-VII-25 Estant en la vila de Rioilo , el rei Karolus dóna al seu fidel Manasae , la vila d'Ermenciacum , en el comtat i pagus Hattuerense.