Anno Incarnationis Domini nistri jesu Christi DCCCC. V idibus decembris , anno II. regnante Carolo rege , venit quidam venerabilis Nantiguisus Orgellensis episcopus in territorio Berguitanensis , in locum vocitatum kastro Oleane , rogatus a viro inlustro Froja nomine vel ad cunctum populum habitantium in parrochiam ut jamdicto Oleane certantes in Dei servitio & ecclesiam Dei restauratores , rogantes & postulantes venerabilem virum presulem , Nantiguisum nomine , ad ecclesiam consecrandam in honore beate & intemerate Virginis Marie , genitricis Domini nostri Iesu Christi , sicuti & feci , in primis propter honorem Dei & remunerationem anime sue , ut per intercessionem Domini vel omnium sanctorum veniam consegui mereatur. Ideo jamdictus Froja vel cetera plebs habitantes in castro Oleane vel episcopus terminia tradimus jamdicta ecclesia in potestate dompni & piisimi pontificis nostri Nantiguisi ad consecrandum , sicut sacri canones constituunt atque decernunt , ante tribunal eterni judicis remedium animae nostre accipere mereamur. Dono ego jamdicto Froja ad ipsam ecclesiam Sancte Marie Virginis ipsos domos cum exios & regressios illorum & cum omne supraposita illarum , que ego hedificavi juxta ipsam ecclesiam & ipsos ortos & ipsa terra prope ipsam ecclesiam , que de una parte sunt in torrente , de superiore parte habet terra Anegone & de subteriore parte sunt in rocha. Et in alio loco terra que de duas partes habet terras de monasterio Sancti Laurentii , de tertia parte sunt in terra Anegoni. Hec omnia superius nominatum dono ego jamdictus Froja ad domum Sancte Marie Virginis ad integrum propter remedium anime mee , ut ante tribunal eterni judicis per intercessionem ejus ego & uxor mea prolesque nostri premia eterna consequi mereamur. Et nos supranominati omnes donamus ad ipsam domum Sancte Marie terra prope ipsa ecclesia , que duas partes habet strada & de alia parte habet terra Auderici. Donamus ipsa terra nos circummanentes propter anime nostre ad domum Sancte Marie ab omni integritate , ut ante tribunal eterni judicis remedium habeamus. Et qui contra hunc factum nostrum venerit ad inrumpendum aut nos veneimus , hec omnia superius nominatum quadruplum componat ad ipsam jamdictam ecclesiam & in antea ista donatio propter remedium anime nostre firmis permaneat. Ideo ego Nantiguisus episcopus consegro ipsa ecclesia & trado ipsa parrochia ipsa Petra cum suas ajacentias & de monte Escobeto usque ad Montem Sancto & Oleane & Gerundela cum omnes fines & adjacentias illarum , similiter & Petra Furno. Trado ipsa parrochia ad domum Sancte Marie , ut omnes qui hunc terminum laboraverint & omnes decimas & primitias de omni re quod nominari potest homo ad jamdictam ecclesiam semper adcurrant deinceps in antea , & nullus alius sacerdos infra hunc terminum constitutum decimas usurpet , sed integraas perveniat ad jamdictam ecclesiam & ad sacerdotem qui per nostrum conssenssum eas digne regerit. Et sic jubeo atque discerno ut per singulos annos sacerdos qui istam ecclesiam cum jamdicta parrochia legitime tenuerit solvere gaviat in servicio episcopatus Sancte Marie Urgellitane sedis modios VI. de annona & sollidos III.es & agnos II.os. Etsi quis contra hanc decretum nostrum ausus fuerit usurpare decimas & primicias , omnia quod accepit reddad quadruplum & insuper anathamatis vinculo sciat obligatum se.

Sig+num Centulli. Sig+num Egiaeri. Sig+num Bonidi. Sig+num Ambaxari. Sig+num Aurioli. Sig+num Sabaroni. Sig+num Tirenciani.

Nantiguisus episcopus +. Sig+num Fredarius archipresbiter. Sig+num Babricus presbiter. Sig+num Usila archipresbiter. Sig+num Merengo presbiter.

Centullus presbiter , qui hanc dote vel donatione scripsit & [...] die & anno quo supra.