In nomine sancte & individue Trinitatis. Karolus divina propiciante clementia rex. Si erga loca sanctorum divino cultui mancipatorum aliquid de rebus juris nostri conferre studemus , non solum in hoc regiam exercemus consuetudinen , sed maxime , divina auxiliante gratia , profuturum nobis nullatenus dubitamus. Idcirco omnium sancte Dei ecclesie fidelium nostrorumque , tam presentium quam & futurorum , solers industria noverit quod dirigens presentie serenitatis nostre Arnustus , sancte Narbonensis ac Redensis ecclesie venerabilis archiepiscopus , innotuit nobis per quosdam sui fideles quemadmodum sua sedes & pene omnes ecclesie ejusdem civitatis ruine jam proxime existebant , ita ut per ipsum nullatenus possent restaurari , intimans etiam qualiter jamdudum piissimus genitor noster Ludovicus quedam beneficiola ad augmentum sue ecclesie perpetualiter possidenda contulerat. Cujus petitionem ac intinacionem necessariam esse cognoscentes , placuit celsitudini nostre , pro remedio anime nostre nostrique genitoris atque predulcissime genitricis nostre Adeleidis deprecatione , quatenus ad eandem ecclesiam , scilicet sancti Justi & sancti Pastori necnon & sancti Pauli confessoris , qui ibi corpore requiescit , abbatiam Sancti Laurentii cum omnibus suis villulis & cellis atque terminis cum omnia integritate locorum , veluti in preceptis monachorum ab antecessoris nostris piissimis regibus factis , perpetualiter concederemus , ei videlicet tenore ut stipendia monachorum ibidem degentium juxta vires presulis non deficiant ; & in ipso comitatu Narbonensi Colonicas fiscum cum omni integritate. Addimus quoque prefatae ecclesie sanctorum Justi & Pastoris , ex nostra regali liberalitate , in comitatu Redensi abbatiam Cubarias cum ecclesiis , cellulis , villis , villaribus & omnibus adjacentis suis ac mancipiis utriusque sexus ad eundem locum pertinentibus ; & in comitatu Substantionense fiscum Juviniacum cum ecclesia ; in comitatu Nemausense , suburbio castro Salavense , in valle Ocilianense , ecclesiam Sancti Saturnini cum villa Torta & omnibus appendiciis duis. Si vero infra istas vel alias villas ejusdem ecclesie homines hostolenses vel Hispani furint , quicquid jus fisci inde exigere debet , totum ad opus sancte matris ecclesie Narbonensis jure perpetuo concedimus optinendum , atque per hoc nostre auctoritatis prfeceptum confirmamus , per quod decernimus ayque jubemus ut nullus judiciare potestatis , nec ullus ex fidelibus nostris , in ecclesias aut loca , que moderno tempore possidet , vel que deinceps in jure & potestate ecclesie ipsius divina pietas voluerit augere , ad causas audiendas , vel freda aut tributa exigenda , aut mansiones vel paratas faciendas , aut fidejussores tollendos , aut homines ipsius ecclesie , tam ingenuos quam servos distringendos , aut ullas redibitiones vel inlicitas occasiones requirendas , nostris futurisque temporibus ingredi audeat , vel ea que supra memorata sunt penitus exigere presumat ; sec liceat memorato presuli suisque succesoribus sub nostra defensione quiete residere & nostre parere jussioni. Et quicquid jus fisci exinde exigere poterat , totum nos pro eterna remuneratione eidem concedimus ecclesie , ut perpetuis temporibus clericis ibidem Deo famulantibus proficiat in augmentum , quatenus rectores ipsius ecclesie cum omnibus ad se pertinentibus , cum clero & populo sibi subjecto , pro nobis & locius regni nostri stabilimento Domini misericordiam alacriter exorare delectet. Et ut hoc preceptum nostre auctoritatis inviolabilem ac eternum obtineat vigorem , manu propria subter firmavimus & anulo nostro insigniri jussimus.

Signum Karoli (Monogramma) gloriosissimi regis.

Heriveus notarius ad vicem Folchonis archiepiscopi recognovit.

Data kal. novembris , indictione I. , anno VI. regnante Karolo serenissimo rege , & in successione Odonis II. Actum aput Viennam. In Dei nomine feliciter. Amen.