... Carolus serenissimus gratia Dei rex Francorum & Langobardorum ac patricius Romanorum omnbibus episcopis, abbatibus, ducibus, comitibus vel cunctis fidelibus nostris, tam presentibus quamque futuris.

Rectum est [ut]regalis potestas illis tuitionem [impertiat | imperio at] quorum necessitas comprobatur. [... | Igitur cognoscat magnitudo seu utilitas vestra] qualiter Johanne ad nos veniente & ostendit nobis epistola que dilectus filius noster Ludovicus ei fecerat & per ipsum ad nos direxit. Et invenimus in ipsa epistola insertum quod Johannes ipse super ereticos sive Sarracenos infideles nostros magnum certamen certavit in pago Barchinonense, ubi superavit eos in locum ubi dicitur ad Ponte, & occidit de jamdictos infideles & cepit de ipsis spolia; aliquid exinde a dilecto filio nostro obtulit equm obtimum & brunia obtima & spata india cum techa de argento parata, & [petierrat ei | peterat eis] in pago Narbonense villare eremum ad laborandum que dicunt Fontes; ille vero dedit ei ipsum villare & direxit cum ad nos. Et cum ad nos venisset cum ipsa epistola, quod filius noster ei facebat, in manibus nostris se commendavit & petivit nobis jamdictus fidelis noster Johannes ut ipsum villarem, quod filius noster ei dederat, concedere fecissemus. Nos vero concedimus ei ipsum villarem cum omnes suos terminos vel pertinencias suas ad integre & quantum ille cum homines suos in villa Fontejoncosa occupavit vel occupaverit vel de heremo traxerit vel infra suo termino sive in aliis locis vel villis seu villares occupaverit vel aprisione fecerit cum homines suos. hec omnia concedimus ei per [nostram donationem | nostrum donitum] ut habeat ille & posteritas sua absque ullum censum aut inquietudine, dum nos aut filii nostri fideles extiterint. [Et ut hec | Quam vero] auctoritas firmior habeatur, de anulo nostro subter sigillavimus.

[Signum (Monograma] Caroli gloriosissimi regis].

Gilabertus ad vicem Radoni recognovit & scripsit.

Data in mense marcio, anno .XXV|XXVII. & .X|XXI|XVIII. regni nostri. Actum Aquisgrani palatio nostro, in Dei nomine feliciter. Amen.